टूटे बाजुबंद री लूम

टूटे बाजुड़ा री लूम, लट उलझी उलझी जाय 
टूटे बाजुबंद री लूम, लट उलझी उलझी जाय
कोई पचरंगी लहरिये रो पल्लो लहराय - २ 
धीरे हालो नी बायरिया, हौले हालो नी बायरिया 
झालो सयो नहीं जाय 

लागे प्यारी फुलवारी, या तो झूम झूम गाये - २ 
लाइ गौरी रो संदेशो घर आओनी सजन - २ 
बैरी आंसुड़ां रो हार बिखर नहीं जाय - २ 
कोई चवरी की चुनड़ी में सळ पड़ जाय - २ 
धीरे हालो नी बायरिया, हौले हालो नी बायरिया 
झालो सयो नहीं जाय 

आई बिरखा री रुत, झूमे सूरियो पवन - २ 

लाइ सपनो सुहाग बाजे हिवड़े रो तार - २ 

म्हारी नथनी रो मोती बिखर नहीं जाए -२ 

म्हारे पचरंगी लेहरिये रो पल्लो लहराय 

धीरे हालो नी बायरिया, हौले हालो नी बायरिया 
झालो सयो नहीं जाय 

टूटे बाजुड़ा री लूम, लट उलझी उलझी जाय 
टूटे बाजुबंद री लूम, लट उलझी उलझी जाय
कोई पचरंगी लहरिये रो पल्लो लहराय - २ 
धीरे हालो नी बायरिया, हौले हालो नी बायरिया 
झालो सयो नहीं जाय 

Please Comment

अगर आप राजस्थानी लोकगीत और फागण के गानों के शौक़ीन है और मेरे ब्लॉग से आपको सहायता मिली है तो अपना कमेन्ट जरूर छोड़ें ।

धन्यवाद

Aai phagan ki sham : shri lal rathi written

               तर्ज : मेरे रश्के कमर

आई फागण की शाम, सब छोड़ो थे काम 
म्हारे गाणा सूं ले लो थे म्हारो सलाम 

टाबरिया सुणो, म्हारा भाई सुणो - २ 
म्हारे भाई री प्यारी लुगाई सुणो
माथा फोड़ी थे दुनिया री भूलो तमाम 
म्हारे गाणा सूं ले लो थे म्हारो सलाम

जळ जमना सुणो, देवरियो सुणो - २ 
धरती धोरां री या फिर डागलियो सुणो 
सुणलो जो भी सुणना चावो थे श्रीमान 
म्हारे गाणा सूं ले लो थे म्हारो सलाम

इक तो गाणा रो रंग, दूजो पी लो थे भंग - २ 
थाप्या देय थे तो बजा लेवो चंग 
महसूस होवेला थाने दुसरो ही धाम 
म्हारे गाणा सूं ले लो थे म्हारो सलाम

Sample Video for help in singing

K.D.Somani Holi Song

डागलिये जाऊं तो म्हाने सामा जेठ मिलिया सा 
मेले में जाऊं तो म्हाने मिले पुराणा रसिया सा 

देराणी री भूल सूं में पेर लीनी साडी सा 
देवरियो नादान म्हारे नेड़ो नेड़ो आवे 
नेड़ो नेड़ो आवे बो तो मीठो मीठो मुलके सा 
मेले में जाऊं तो म्हाने मिले पुराणा रसिया सा

नणदल बाई रे जाऊं तो म्हाने नणदोईजी मिलिया सा 
देवे मूंछ्यां तान म्हारो जीवड़लो घबरावे सा 
जीवड़लो घबरावे म्हारो हियो हिलोरा लेवे सा 
मेले में जाऊं तो म्हाने मिले पुराणा रसिया सा

फलियां तोड़न ने जाऊं तो म्हारे पग में कांटा लागे सा 
कांटा निकालूँ म्हारी पायल रुणझुण बाजे सा 
पायल रुणझुण बाजे म्हारा घुँघरा घरड़ावे सा 
मेले में जाऊं तो म्हाने मिले पुराणा रसिया सा

Gora Gora Gaal Thara Rajasthani song

गोरा गोरा गाल थारा घुंघटीये में राखीजे  - २
नजर कहीं लग जावेली होळी में
बांकड़ली मूंछ्यां ने थोड़ी निचे निचे राखीजो - २
गेळ कोई पड़ जावे ली होळी में

घायल हो जावेली दुनिया हळवा हळवा चालो - २
जुलम करे थारी आँखड़लिया काजळियो मत घालो
थारा नैणा तीर कटार-२ , कोई डुबेलो मझधार-२
मत ना तीर चलाजो जी होळी में

उड़ उड़ जावे लाल चुंदड़ी हवा घूंघट खोले - 2

फूल खिले और रंग बिखरे तू कोयलड़ी सी बोले

थारा काळा काळा केश ज्यां है बादलियो रो भेस

जुल्फों में मत उलझावों जी फागण में

प्रीत डोर में बंधग्यो गोरी मैं तो थारे साथ - २
थारे सागे दिन कटे म्हारी थारे सागे रात
रेणो हर दम साथ-२ , सुणले म्हारे मन री बात
भूल म्हने मत जावो जी होळी में

Navdeep Bikaneri Super-hit song

टक्को कमाऊं ना, बेंदोई म्हे साळां रा
बैगो परणायो म्हने , फूटा घर वाळा रां
तीन छोरियों पर छोरा चार - बीनणी रो फेर पग भारी

पड़पोते रे चक्कर में दादो जी सगपण लाया
आखातीज रे सावे में, म्हे परणीज घरे आया
पेली होळी आई, म्हे थाली बजवाई
दूजी होळी म्हाथे, डूमणियो नचवाई
तीजी होळी ने गया, काकोजी कलकत्ता
लारे से गया समाचार, बीनणी रो फेर पग भारी

किस्सा प्यार मोहब्बत रा फिल्मों तक चोखा लागे
आई लव यू रे चक्कर में छोरा छोरी नित भागे
घर वाळा घबरावे, टाबर बेगो परणावे
कुण माइतां ने समझावे, क्यों छोटा छोटा छोरां ने फसावे
म्हने फसायो रे, बेगो परणायो रे - २
अबे सुणो थे हर बार, बीनणी रो फेर पग भारी

ऊँचा ऊँचा सपना देखूं, इक बूटी रे गोळे में
साइकिल चाले भाड़े री म्हारे चारोना नहीं चोले में
इक छोरो इस्कूल जावे, म्हारा दो छोरा सीटियां बजावे
बिचलोडो ओलभा लावे,  छोटोड़ो किन्ना उड़ावे,
कई नन्नाने खेले,, कई दादोने खेले
कई खेले घर सूं बार, बीनणी रो फेर पग भारी

Saasu lad mat lad mat

सासु लड़ मत, लड़ मत न्यारी कर दे - २ 
म्हारे बाप को जवाई म्हारे सागे कर दे 
सासु लड़ मत, लड़ मत न्यारी कर दे
सासु अर्जी तू म्हारी आ पूरी कर दे 

म्हे तो सोनो कोनी मांगू, म्हे तो चांदी कोनी मांगू - २ 
हीरा मोती कोनी मांगू, कोई बांदी कोनी मांगू 
जिण संग फेरा खाया उणने म्हारे साथ कर दे 
सासु लड़ मत, लड़ मत न्यारी कर दे

थारा महल कोनी चाहे, थारा खेत कोनी चाहे - २ 
गाड़ी मोटर कोनी चाहे, रूपया पिसा कोनी चाहे 
म्हारे सुसरो जी री पोळी म्हारे नाम कर दे 
सासु लड़ मत, लड़ मत न्यारी कर दे

म्हे तो जेठ कोनी मांगू, म्हे जेठानी कोनी मांगू - २ 
म्हे तो देवर कोनी मांगू, म्हे देरानी कोनी मांगू 
म्हारी छोटकी ननद रो बीरो म्हारे सागे कर दे 
सासु लड़ मत, लड़ मत न्यारी कर दे