सासु लड़ मत, लड़ मत न्यारी कर दे - २
म्हारे बाप को जवाई म्हारे सागे कर दे
सासु लड़ मत, लड़ मत न्यारी कर दे
सासु अर्जी तू म्हारी आ पूरी कर दे
म्हे तो सोनो कोनी मांगू, म्हे तो चांदी कोनी मांगू - २
हीरा मोती कोनी मांगू, कोई बांदी कोनी मांगू
जिण संग फेरा खाया उणने म्हारे साथ कर दे
सासु लड़ मत, लड़ मत न्यारी कर दे
थारा महल कोनी चाहे, थारा खेत कोनी चाहे - २
गाड़ी मोटर कोनी चाहे, रूपया पिसा कोनी चाहे
म्हारे सुसरो जी री पोळी म्हारे नाम कर दे
सासु लड़ मत, लड़ मत न्यारी कर दे
म्हे तो जेठ कोनी मांगू, म्हे जेठानी कोनी मांगू - २
म्हे तो देवर कोनी मांगू, म्हे देरानी कोनी मांगू
म्हारी छोटकी ननद रो बीरो म्हारे सागे कर दे
सासु लड़ मत, लड़ मत न्यारी कर दे
कोई टिप्पणी नहीं:
एक टिप्पणी भेजें