और रंग दे

और रंग दे रे म्हाने ओजू रंग दे
म्हारा सासु जी के दाय कोनी आई रे नीलगर और रंग दे

अल्ला पल्ला पे दादर मोर रंग दे
घूँघट पर बाईसा रो बीरो रे, नीलगर और रंग दे 

सुसरो जी रंगाई म्हारे लाल ओढ़नी
म्हारा सासुजी के दाय कोनी आई रे नीलगर और रंग दे

जेठजी रंगायो म्हारे पीळो कोमचो
म्हारा जेठानी के दाय कोनी आई रे नीलगर और रंग दे

देवरियो रंगाई म्हारे लाल चुनड़ी
म्हारा सायब जी के दाय कोनी आई रे नीलगर और रंग दे